Con motivo do Día Mundial da Reciclaxe, Servicios dos Concellos Galegos realizou en Porriño unha actividade de información a cidadanía sobre a separación en orixe e a compostaxe doméstica.
Servicios dos Concellos Galegos iniciou o contrato do Servizo de recollida, transporte e tratamento dos residuos domésticos e asimilables, así como do punto limpo do Concello de O Porriño o 01/01/2022, cunha proposta de mellora e modernización do servizo existente, así como cunha clara aposta polo fomento da separación en orixe e a reciclaxe dos distintos fluxos de residuos.
Deste xeito, na actividade realizada informouse a veciñanza do Concello de O Porriño de que Servicios dos Concellos Galegos facilita o composteiro e a formación necesaria para o adecuado uso do mesmo a aqueles interesados en realizar a compostaxe doméstica, así mesmo incidiuse no novo servizo de recollida de enseres que a empresa leva a cabo todos os mércores.
Esta actividade foi realizada coa colaboración de Concello de O Porriño, Sogama, ECOEMBES e o CEIDA.
Flyer - por un Porriño máis limpo
